Біртұтас тәрбие бағдарламасы аясында ұлттық құндылықтарымызды дәріптеу мақсатында, 15 минуттық қоңырауда күй ойнатылып 1-11 сынып оқушылар арасында, ұлттық нақыштағы киімдер кию, ұлттық ойындар ойнату, ұлттық құндылықты меңгеру мақсатында түрлі викториналар жүргізілді!

Біртұтас тәрбие бағдарламасы аясында «Өнегелі-15 минут» - ата-аналардың баласымен мінез-құлық және адамгершілік, еңбекқорлық туралы, мектебіміздің 7 «Б»сынып оқушысы Әмірәлі Бекұланның әкесімен жеке уақыт өткізу кезінен үзінді. 

Ахмет Байтұрсынұлы атындағы №48 мектеп-лицейінде білім мекемесінің отбасымен өзара әрекеттесуі мен бала тәрбиесіндегі отбасының рөлін нығайту және отбасылық тәрбиенің жақсы жақтарын насихаттау мақсатында «Даналық мектебі» жобалары бойынша жұмыстарды жандандыра отырып, 1-11 сыныпта білім алушы оқушылар Отбасы күніне арналған «Отбасы – тәрбиенің алтын бесігі» челленджіне атсалысты.
Назарларыңызға 6 «Е» сынып оқушыларының «Отбасым – ол менің байлығым» тақырыбына шығарма жазу сәтінен көрініс ұсынамыз.

05.09.2024 жылы отбасы күніне орай "Дені сау ұрпақ" тақырыбында мектебіміздің білім алушыларымен дене шынықтыру пәнінің мұғалімдері, ұлттық ойын түрлерін ойнатып көңілдерін көтере білді.

"Дені сау ұрпақ" тақырыбындағы отбасы күніне арналған іс-шараның мақсаты:

1. Денсаулықтың маңызы: Оқушыларға денсаулықтың, белсенді өмір салтының және спорттың маңыздылығын түсіндіру.
2. Ұлттық ойындарды таныстыру: Қазақ ұлттық ойындарын ойнату арқылы мәдени мұраны насихаттау, командалық рухты арттыру.
3. Көңіл көтеру: Дене шынықтыру пәнінің мұғалімдерімен бірге өткізілген ойындар арқылы оқушылардың көңіл-күйлерін көтеру, позитивті атмосфера жасау.
4. Отбасылық ынтымақтастық: Оқушылар мен олардың отбасылары арасында байланысты нығайту, спорт пен денсаулықты бірге насихаттау.
5. Денсаулықты сақтау дағдыларын дамыту: Оқушыларды спортпен шұғылдануға, салауатты өмір салтын ұстануға ынталандыру.

Іс-шара барысында спорттық жарыстар, командалық ойындар және қызықты тапсырмалар арқылы осы мақсаттарға жету жоспарланды.

05.09.2024 жылы Ахмет Байтұрсынұлы атындағы №48 мектеп-лицей кітапханасында тілдер мерекесіне орай «Тілім-менің тірегім!» атты тақырыпта Ахмет Байтұрсынұлының өмірі мен шығармашылығына арналған танымдық сабақ өтті. Сабақтың мақсаты: Ахмет Байтұрсынұлының шығармашылығы, кітаптары, ғылыми еңбектері туралы мағлұмат беру. Ақын өмірін оқушыларға үлгі ете отырып, өз елін сүюге, оның көркеюіне үлес қосуға тәрбиелеу. Оқушылардың танымдық деңгейін дамыту. Сабақтың міндеті: Оқушылардың өз ой-пікірін ашық, бүкпесіз айтуына жағдай жасау. Ахмет Байтұрсынұлы шығармалары мен кітаптары жайлы әңгімелеп беру. Оқушылар алған әсерлерімен бөлісіп, сабаққа ынта жігерлерімен қатысты. Сондай ақ кітапханамызда «Туған тілім айбыным» тақырыбында кітап көрмесі ұйымдастырылды.

01.09.2024 жылы білім ордамызда 1-4 сынып білім алушылары арасында "Мен үшін қымбат - мектебім!" тақырыбында сынып сағаты өткізілді.

"Мен үшін қымбат - мектебім!" тақырыбындағы сынып сағатының мақсаты:

1. Мектептің мәні: Оқушыларға мектептің білім, тәрбие және достық ортасы ретіндегі маңызын түсіндіру.
2. Өз пікірін білдіру: Оқушыларға мектеп өмірі туралы ойларын, сезімдерін және тәжірибелерін ашық айтуға мүмкіндік беру.
3. Мектепті сүйю: Оқушылардың мектебіне деген сүйіспеншілігін арттыру, оны қорғау және дамыту қажеттігін түсіндіру.
4. Топтық ынтымақтастық: Оқушылардың бір-бірімен қарым-қатынасын нығайту, достық қатынастарды қалыптастыру.

01.09.2024 жылы 5-7 сынып білім алушыларына "Жаңа жетістіктерге жетуге дайынмын!" атты тақырыбында сынып сағаты өткізілді.

"Жаңа жетістіктерге жетуге дайынмын!" тақырыбындағы сынып сағатының мақсаты:

1. Мақсат қою: Оқушыларға жаңа жетістіктерге жету үшін нақты мақсаттар қоюдың маңыздылығын түсіндіру.
2. Өзіне сенімділікті арттыру: Оқушылардың өз қабілеттеріне деген сенімдерін нығайту, өзін-өзі бағалауды дамыту.
3. Мотивация: Оқушыларды жетістіктерге жету жолында ынталандыру, табандылық пен еңбекқорлықтың маңызын түсіндіру.
4. Креативті ойлау: Оқушылардың шығармашылық қабілеттерін ашу, жаңа идеялар мен шешімдер табуға бағыттау.
5. Командалық жұмыс: Топтық тапсырмалар арқылы ынтымақтастық, жауапкершілік және өзара қолдаудың маңыздылығын көрсетуді мақсат ету.

01.09.2024 жылы 9-11 сынып білім алушылары үшін - “Ой, Арман, Мақсат” тақырыбында ашық сынып сағаты өткізілді.

• Ойлауды дамыту: Оқушылардың шығармашылық және сыни ойлау қабілеттерін арттыру.
• Арман мен мақсаттың маңызы: Оқушыларға армандар мен мақсаттардың өмірдегі рөлін түсіндіру, оларды анықтауға көмектесу.
• Өзін-өзі тану: Оқушылардың өз мүдделері мен құндылықтарын анықтауға бағыттау, жеке даму жоспарларын құруға ынталандыру.
• Топтық жұмыс: Командалық жұмыс арқылы қарым-қатынас дағдыларын дамыту, бір-біріне қолдау көрсету.
• Мотивация: Оқушыларды мақсат қоюға және оларды жүзеге асыруға ынталандыру, табысқа жету жолында еңбектенудің маңызын түсіндіру.

Ахмет Байтұрсынұлы атындағы №48 мектеп-лицейде 01.09.2024  «Мектебім — мейірім мекені» тақырыбында білім күнінің салтанатты жиыны өткізілді. Салтанатты жиынға ұстаздар қауымымен бірге мектептің бірінші сынып оқушыларының ата-аналары қатысып, білім мекемесінің қызметкерлері мен білім шыңын бағындыруға жол тартқан балғындарымызға ақ жол тіледі.
«Білім күнін» атап өту кезінде Ұстаздар қауымына арналып әсем әндер шырқалып, арнау өлеңдер орындалды. Қауіпсіздік шараларын қамтамасыз ету мақсатында білім мекемесінде кезекшілік ұйымдастырылды.

 Мемлекеттік туды көтеру және гимнді орындау Қазақстан Республикасының мемлекеттік рәміздерін пайдалану ережесіне сәйкес жүргізілді. Іс-шараға білім баспалдағына алғаш аяқ басқан 175 1-сынып бүлдіршіндері мен 124 бітіруші түлектеріміз — 11-сынып оқушылары қатысты.

Жаңа оқу жылына сәттілік тілейміз!!!

«…Тән көмілер, көмілмес еткен ісім,

Ойлайтындай мен емес бір күнгісін.

Жұрт ұқпаса ұқпасын, жабықпаймын,