Жаңалықтар

: 24 Февраль 2025; 39

Ахмет Байтұрсынұлы атындағы №48 мектеп-лицейінде директордың тәрбие ісі жөніндегі орынбасары, қазақ тілі мен әдебиеті пәні мұғалімі А.Ниязбековтың ұйымдастыруымен “5” сынып оқушыларына “Оқырмандар бәйгесі” сайысы өткізілді.
Сайыстың мақсаты – оқушылардың кітап оқуға қызығушылықтарын арттыру, көркем шығарманы талдауды үйрету, оқырман талғамын қалыптастыру.
Біртұтас тәрбие бағдарламасының “Мектеп кітапханасы” жобасы аясында өткен шара Бердібек Соқпақбаевтың «Менің атым - Қожа» повесі бойынша ұйымдастырылды. Білім алушылар өздері оқыған қызықты да үздік туынды бойынша білімдерін сынға қойып, жүлделі орындарды сарапқа салды. Сайыс қорытындысында жүлделі орындар төмендегідей ретпен берілді:
І орын: Азизбек Ақниет
ІІ орын: Төребек Нұрсая, Қонысбек Кәусар
ІІІ орын: Ахметова Лунара, Баянбай Ерасыл.

: 21 Февраль 2025; 38

«Білім туралы» Қазақстан Республикасы Заңының 5-бабының 35) тармақшасына сәйкес, Қазақстан Республикасы Білім және ғылым министрінің 2012 жылғы 21 ақпандағы № 57 бұйрығының негізінде, 2025 жылғы 21 ақпандағы бос лауазымдарға педагогтерді тағайындау бойынша конкурстық комиссиясының шешіміне сәйкес БҰЙЫРАМЫН:

Астана қаласы «Ахмет Байтұрсынұлы атындағы № 48 мектеп-лицейдің» 2024-2025 оқу жылына бос лауазымдық орындарға орналастыру бойынша конкурс өтті деп есептелсін.
Бағалау парағында көрсетілген ұпайлардың нәтижелері байқау жеңімпазын жұмысқа қабылдауға негіз болып есептелсін.
Төменде көрсетілген үміткер байқаудың жеңімпазы болып есептелсін және жұмысқа қабылдансын:

Ансаганова Аякоз Бейбиткызы – бастауыш сынып мұғалімі.

Байқаудың нәтижелері мектеп сайтында, Instagram желісінде жариялансын.

: 19 Февраль 2025; 61

Бүгін мектебімізде СӨС (салауатты өмір салты) дәрігері, 13 емханадан келген тәжірибелі маман – Ерсайын Аружан Ерболқызы “Туберкулездың алдын алу” тақырыбында түсіндірме жұмыстарын жүргізді. Ол салауатты өмір салтының негіздерін, дұрыс тамақтану мен дене белсенділігінің маңызын, сондай-ақ, түрлі аурулардың алдын алу шараларын атап өтті.

: 20 Февраль 2025; 52

“Үздік мектеп парламенті” республикалық байқауының нәтижесі бойынша қуанышты жаңалық! 🎉
📚 Қатысушы 40 мектептің арасынан біздің мектебіміздің парламенті 3-ші орынды иеленді! 🏆
Бұл жетістік – мектеп ұжымының бірлігі мен тынымсыз еңбегінің жемісі. Біздің парламент мүшелерінің қажырлы жұмысы мен тың идеялары арқасында осындай биік белеске жеттік! 🌟
Барша мектеп парламентінің мүшелерін, ұстаздарымызды және қолдау көрсеткен барша жандарды құттықтаймыз! 💪 Алда жаңа жетістіктер мен жеңістер күтіп тұр!

: 18 Февраль 2025; 50

Бүгін, 18 ақпан күні мектебімізде қазақ елінің батыры, Қол күрестен халықаралық дәрежедегі спорт шебері, Азия чемпионы, Қазақстанның 7 дүркін рекордшысы, «Қазақтың темір адамы» атанған Тимур Спатаевпен кездесу сағаты өтті. Оқушылармен сұхбаттасып, рухты сөздерімен жігерлендіріп, батыр, қайсар тұлғаның қандай болу керектігін атап айтты. «Толағай» ұлттық күштік спортының түрлерін көрсетіп, техникасымен таныстырды. Ұлттық дәстүрді насихаттайтын тәлімі мол іс-шара болды.