Астана қаласы білім басқармасының А.Байтұрсынұлы атындағы №48 мектеп-лицейінде 1-11 сынып жетекшілерімен 2024 жылдың 19 қыркүйек күні оқу семинары ұйымдастырылды. Күн тәртібінде сынып жетекшілерінің міндеттері мен жұмыс режимі, жасөспірімдер арасында буллингтің алдын алу, сынып жетекшілерінің іс құжаттарының жүргізілуі туралы мәселелер айтылып, түсіндіру жұмыстары жүргізілді.
Мектеп жұмысының сапасына, оқушылардың тәрбиесі мен жан-жақты дамуына еселі үлесі бар әріптестер басқосуда сынып жетекшілерінің жұмыстарына қатысты біршама мәселелер туралы пікірлесіп, ой бөлісті.
Жиын барысында күн тәртібіндегі барлық мәселелер әріптестер тарапынан талдап, сараланып, жұмыс сапасын арттыру, сынып жетекшілерінің жұмысын жандандыру мақсатында тиісті шешімдер қабылданды.

«Біртұтас тәрбие» бағдарламасы аясында жұма күні, ұлттық құндылықты дәріптеу мақсатында мектебімізде
ерекше күн, – «Ұлттық киім» кию күні! 🎉✨
Неліктен ұлттық киім кию маңызды? Ұлттық киім – халқымыздың мәдениеті мен тарихын, дәстүрін көрсететін белгі. Ол бізді біріктіріп, ұлттық бірегейлігімізді сақтауға көмектеседі.

«ДосболLIKE» буллингке қарсы бағдарламасы аясында «Біздің мектеп буллингке қарсы» атты республикалық бейнероликтер челленджін өткіздік.

«Ахмет Байтұрсынұлы атындағы №48 мектеп лицейі» Дүниежүзілік тазалық күні аясында ұйымдастырылған жалпықалалық сенбілікке атсалысу мақсатында білім мекемесі ұжымы қызметкерлері мен білім алушыларының қатысуымен сенбілік өткізілді.
Бүгін, 21 қыркүйек күні, «Бірігіп қаламызды таза етеміз!» ұранымен мектеп ұжымы тазалық жұмысына кірісіп, аула және арық-атыздарды тазалап, көшеттер отырғызып, мектеп аумағындағы үлескілерді қопсытып, тағылымды шара ұйымдастырды.
Мектебімізде тазалық пен көгалдандыру жұмыстары жақсы жолға қойылған. Білім алушыларға тазалық пен табиғатты қорғаудың маңызы туралы ұдайы түсіндіру жұмыстары жүргізіліп, оларды тазалық пен еңбекке баулу әрекеті атқарылып келеді. Осындай еңбек пен тәртіптің арқасында мектебіміздің ауласы көз қуантарлық көрікке ие. Білім мекемесіндегі гүлзар мен жасыл желек білім мекемесінің көркіне көрік қосып, әрі әсемдік пен тазалықтың үндесуінен тамаша үйлесімде үндесіп отыр. Жайқалып өскен ағаштар, түрлі гүлдер мен бұталы жасыл желек – табиғаттың сыйы мен адамзаттың қамқорлығының тұтастығынан көрініс береді.

Қазақстан Республикасы оқу-ағарту министрлігі балалардың қауіпсіздігін қамтамасыз ету мақсатында 2024 жылдың 23-27 қыркүйек аралығында ата-аналар жиналыстарын ұйымдастыру қажеттілігі бойынша 27 қыркүйек күні «Бала қауіпсіздігі қоғам келешегі» тақырыбы аясында жиналыс өтті. 

1 «Ә» сыныптың оқушылары әдептілік - тәрбие бастауы екендігін ұғына отырып, мақал-мәтелдер айтумен сабақтарын бастады.
Мақсаты: оқушыларға әдептілік, сыпайылық және бір-біріне құрмет көрсетуді насихаттау.

Қазақстан Республикасы оқу-ағарту министрлігі балалардың қауіпсіздігін қамтамасыз ету мақсатында 2024 жылдың 23-27 қыркүйек аралығында педагогикалық жиналыстарын ұйымдастыру қажеттілігі бойынша 27 қыркүйек күні «Бала қауіпсіздігі қоғам келешегі» тақырыбы аясында ұжыммен жиналыс өткізді.
Күн тәртібі: Балалардың қауіпсіздігін қамтамасыз ету шараларын өзектендіру.

Бүгін біздің 5-сынып оқушыларымыз ерекше бір күнді атап өтуде – Әдеп күні. Бұл күннің мақсаты – әдептілік, сыпайылық және құрмет көрсету мәдениетін қалыптастыру

Біртұтас тәрбие бағдарламасы аясында
«Өнегелі-15 минут» - ата-аналардың баласымен мінез-құлық және адамгершілік, еңбекқорлық
туралы, мектебіміздің 4 «Ә»сынып оқушысы Алғабай Наздың әкесімен жеке уақыт өткізу кезінен.

Біртұтас тәрбие бағдарламасы аясында, оқушыларымызды еңбекке баулу арқылы жан-жақты дамытуға арналған іс-шараларымыз өтіп жатыр. Осы айда біз еңбекке деген ынтаны арттырып, кәсіби біліктілікті дамытуға ерекше көңіл бөлеміз. Оқушыларымыздың қабілеттерін шыңдап, болашақта табысты болуына ықпал етейік!