2023-2024 оқу жылындағы мектеп жанынан ашылған "HAPPY KIDS" жазғы ойын - сауық демалыс лагері және "КИЕЛІ МЕКЕНДЕР" археологиялық лагерінің ашылу салтанаты 03 маусым күні өткізілді.
Мектеп директоры Ғани Бақытұлы лагерьді салтанатты түрде ашық деп жариялап, келген бүлдіршіндердің жазғы демалыстарына сәттілік тіледі.
Рәсімге Білім басқармасынан Мәншүк Маратқызы арнайы қонақ болып келіп, балаларды мерекемен құттықтап жылы лебізін білдірді.

Лагерьде балалардың демалып, сауығып, қосымша білімдерін толықтырып, шығармашылық қабілеттерін дамыту үшін түрлі үйірмелер жұмыс істейді: "Көңілді старт", "Қызықты математика", "Компьютерлік графика", "Әнші балапан" және "Шебер қолдар", "Funny English" үйірмелері жұмыс жасайды.Сонымен қатар, оқушылардың экологиялық мәдениетін, табиғат аясында қажетті дағдыларын қалыптастыру, туған жеріміздің тарихи-археологиялық ескерткіштерін, әсем, көрікті жерлерін білу, ұжымда жұмыс істей білу дағдыларын қалыптастыру мақсатында саяхатқа, экскурсияға шығу жоспарланған. Таңертеңгілік жаттығу, бейнефильмдер көру, танымдық сағаттар, кітап оқу сағаттары, түрлі шығармашылық байқаулар өткізіледі. Әр топтар бойынша арнайы оқу бөлмелері жабдықталған. Барлық балаларды мерекелерімен құттықтай отырып, бақытты балалық шақ пен жарқын болашақ тілейміз!