2024 жылдың 4 қаңтар күні Ахмет Байтұрсынұлы атындағы №48 мектеп-лицейде «Функционалдық сауаттылық - білім сапасын жетілдірудің негізгі бағдары» тақырыбында әдістемелік күн жоспарланып өткізілді. Әдістемелік күннің мақсаты: мектептің әдістемелік жұмысын жандандыру арқылы жаңа білім беру стандартының талаптарына сәйкес педагогтердің шығармашылық белсенділігін арттыру, кәсіби шеберлігін дамыту. Білім ордасындағы тәжірибелік күнге 70 мұғалім қатысты. Бағдарламада 7 бағыт бойынша секция жұмысы жүргізіліп, педагогтар әдістемелік қоржынын жаңа инновациялық әдістермен толықтырды.
- 1 бағыт - «Сандық ақпараттық платформалар арқылы белсенді әдістерді меңгеру», модератор Секенқызы Айнұр;
- 2 бағыт - «Мектеп кітапханасында оқушылардың тұлғалық құзіреттіліктерін дамыту», модератор Махшар А., Ускенбаева Г
- 3 бағыт - «Ахмет әдістемесі», модератор Смагулова Н., Абуева А
- 4 бағыт - «STEM кабинетінің мүмкіндіктері», модератор Мерәлі Н
- 5 бағыт - «Көркем еңбек пәнінің маңыздылығы», модератор Сейдаханова Б
- 6 бағыт - «Бастауыш сыныпты оқыту әдістемесінен», модератор Абденова Қ., Сарсембетова Қ., Айтжанова С
- 7 бағыт - «Білім берудегі менеджмент» модератор, Мукатова Ж
Әр бағыт бойынша педагогтар 30 минуттан барлық секция жұмыстарымен таныс болды. Әр секцияда белсенді жұмыс жүргізіп, тапсырмаларды орындап, топтық талқылаулар жасады. Қорытындысында рефлексия жүргізіліп, кері байланыс алынды. Педагогтердің кәсіби өсуіне, өзін-өзі дамытуға бағытталған іс-шара қатысушылар тарапынан жоғары деңгейде бағаланды. Ұйымдастырушы: директордың бейіндік ісі жөніндегі орынбасары Ибраймова Қамажай Ибраимовна.
