Бүгін Л.Н. Гумилев атындағы Еуразия ұлттық университетінің бас ғимаратында Робототехникадан Әлихан Мақсұт атындағы «RoboZerde-2023» І қалалық фестивалі өтті.

Мақсаты: оқушылардың робототехника саласына қызығушылығын, ғылыми-техникалық шығармашылық қабілеттерін арттыру, техникамен жұмыс жасау белсенділігін дамыту. Аталмыш фестивалға қала мектептерінен 72 команда қатысып, білімдері мен шығармашылық қабілеттерін сынады.

Ахмет Байтұрсынұлы атындағы №48 мектеп-лицейден 2 команда қатысып, “Биатлон: кіші 10-13 жас” санаты бойынша 5 сынып оқушылары Ермек Амина, Ермек Бекжан және жетекшісі Айнұр Секенқызы ІІІ дәрежелі дипломмен марапатталып, жүлдегер атанды.

Шығармашылық санат «Робототехника, IT» -14-18 жас аралығынан "Үздік инженерлік шешім" номинациясы бойынша 8 сынып оқушысы Қалдыбек Әділет және жетекшісі Мерәлі Нұрпейіс Грамотамен марапатталды. Қала мектептері арасынан үздік атанған шәкірттеріміз бен талантты ұстаздарымызды жеңістерімен құттықтаймыз! Алар асуларыңыз биік болсын!