Ахмет Байтұрсынұлы атындағы №48 мектеп-лицейінде “Адал Азамат” біртұтас тәрбие бағдарламасы аясында мұғалімдер арасында волейбол турнирі ұйымдастырылды. Мұғалімдер күніне орай ұйымдастырылған волейбол турнирінің басты мақсаты – білім беру саласындағы ұстаздар қауымын ұлықтау, ұжымдастардың ынтымағын арттырыу және салауатты өмір салтын насихаттау болды.

Турнирге білім беру ұйымдарында қызмет ететін әйел ұстаздардан құралған 5 команда қатысты. Ойындар жоғары деңгейде, әділ және ұйымшылдықпен өтті. Қатысушылар бір-біріне қолдау білдіріп, өзара сыйластық танытты.

Турнир қорытындысында жүлделі орындар төмендегі ретпен анықталды:
І орын: Ш.Мұртаза атындағы №63 мектеп-гимназиясы;
ІІ орын: А.Байтұрсынұлы атындағы №48 мектеп-лицейі;
ІІІ орын: Т.Жүргенов атындағы №70 мектеп-лицейі.
Волейбол турнирі – ұстаздардың тек кәсіби салада ғана емес, спорттық белсенділік пен ынтымақтастықта да үлгі бола алатынын көрсетті. Бұл шара ұстаздар мерекесіне ерекше серпін беріп, білім мекемелері арасындағы бірлікті нығайтты.